మహాభూతా న్యహంకారో

మహాభూతా న్యహంకారో బుద్ధిరవ్యక్తమేవ చ। ఇంద్రియాణి దశైకం చ పంచ చేంద్రియ గోచరాః॥6॥ ఇచ్ఛాద్వేషః సుఖం దుఃఖం సంఘాతశ్చేతనా ధృతిః। ఏతత్ క్షేత్రం సమాసేన సవికార ముదాహృతమ్॥7॥ శ్రీమద్భగవద్గీత...త్రయోదశాధ్యాయము క్షేత్రక్షేత్రజ్ఞ విభాగ యోగము కృష్ణుడు అర్జునుడికి వివరణగా చెప్పేదానికి ప్రయత్నిస్తున్నాడు.అర్జునా!పంచభూతాలు,అహంకారం,బుద్ధి,మూలప్రకృతి,కర్మేంద్రియాలు,జ్ఞానేంద్రియాలు,మనస్సు అనేవి క్షేత్రమని చెప్పబడే విషయాలు.ఇవి కాకుండా ఇంద్రియ విషయాలు అయిన శబ్దం,స్పర్శ,రూపం,రసం,గంథాలు,ఇచ్ఛాద్వేషాలు,సుఖదుఃఖాలు,దేహేంద్రియ సమూహం కూడా కేత్రానికి సంబంథించినవే.ఇకపోతే తెలివి,ధైర్యం కూడా ఇదే కోవకు చెందుతాయి.పైన ఉదహరించినవి అన్నీ కూడా క్షేత్రమని క్లుప్తంగా చెప్పబడింది. అంటే మన శరీరానికి ,మనసుకు,మస్తిష్కానికీ సంబంథం ఉన్న ప్రతి విషయం క్షేత్రమే.కాబట్టి దీనికి సంబంథించిన ప్రతి చిన్న విషయం మనం కూలంకషంగా తెలుసుకునే ప్రయత్నం చెయ్యాలి.