Saturday 5 October 2024
తస్మాత్ప్రణమ్య ప్రణి ధాయకాయం
తస్మాత్ప్రణమ్య ప్రణిధాయ కాయం
ప్రసాదయే త్వామహ మీశ మీడ్యం
పితేవ పుత్రస్య సఖేవ సఖ్యుః
ప్రియః ప్రియాయార్హసి దేవ సోఢుమ్॥44॥
శ్రీమద్భగవద్గీత--ఏకాదశాధ్యాయము--విశ్వరూప సందర్శన యోగము
మనము మాములుగా ఏమి చేస్తాము?మన అనుకునే వాళ్ళను ఒకలా చూస్తాము,పరాయి అనుకునే వాళ్ళను ఇంకోలా చూస్తాము.మన వాళ్ళకు అంతా మంచిని ఆపాదిస్తాము.ఎదుటి వాళ్ళ మాటలను,చేష్టలను భూతద్దంలో పెట్టి తప్పొప్పులు వెదుకుతాము.
అందుకే అర్జునుడు ఇలా అంటున్నాడు.స్వామీ!నీకు సాష్టాంగ దండ ప్రణామాలు చేస్తున్నాను.ఒక తండ్రి తన బిడ్డ తప్పును ఎలా క్షమిస్తాడో అలా నా తప్పులు క్షమించు.ఒక స్నేహితుడు తన మిత్రుడి తప్పులను ఎలా అర్థం చేసుకుని,సర్దుకుంటాడో అలా నేను చేసిన తప్పులను సర్దుకో.ఒక ప్రియుడు తన ప్రియురాలి విషయంలో,ఆమె చేసిన తప్పులను అసలు తప్పులుగానే మనసుకు తీసుకోడో,అలా నా తప్పులను అసలు లెక్కలోకి తీసుకోవద్దు.
ఇలా తన తప్పులను మనసుకు తీసుకోవద్దు అని బతిమలాడుతున్నాడు.
Subscribe to:
Post Comments (Atom)
No comments:
Post a Comment