ప్రయత్నా ద్యతమానస్తు

ప్రయత్నా ద్యతమానస్తు యోగీ సంశుద్ధ కిల్బిషః। అనేక జన్మ సంసిద్ధ స్తతో యాతి పరాం గతిమ్॥45॥శ్రీమద్భగవద్గీత....ఆత్మ సంయమ యోగము... శ్రీకృష్ణుడు అర్జునుడికి ఏదీ తేలికగా దొరకదు అని చెబుతున్నాడు. అర్జునా!ఓ కిరీటీ!యోగాభ్యాసము,మోక్షప్రాప్తి...ఇలాంటివి అన్నీ ఆషామాషీ వ్యమహారాలు కాదు.చిటికె వేస్తే అయిపోయే దానికి.ఏళ్ళు పూళ్ళూ గడచిపోతాయి.చాలా సార్లు ఒక జన్న చాలదు.ఆ భక్తి పరాకాష్ఠ సాథించే దానికి ఎన్నో జన్మలు ఎత్త వలసి ఉంటుంది.అందుకే చెబుతున్నాను.మానవుడు ఇలా జన్మ పరంపరాభ్యాసము వలన పాప పుణ్య రహితుడు అవుతాడు.ఆ తరువాత కైవల్యం చవిచూస్తాడు.పూర్వము నుండీ వచ్చే ఆచార వ్యవహారాలు త్రోసిపుచ్చకుండా తరువాత తరానికి మనము సరిగ్గా అంద జేస్తూ ఉండాలి.అప్పుడు సంప్రదాయాలు భ్రష్టు పట్టకుండా కొనసాగుతాయి.ఆ దారిలో పోవాలనుకునేవాళ్ళు సులభంగా ఆకళింపు చేసుకుని,ముందరకు పోతారు.అనుకున్నది సాథిస్తారు.