ఏతన్మే సంశయం కృష్ణ

ఏతన్మే సంశయం కృష్ణ ఛేత్తు మర్హ స్యశేషతః। త్వదన్య స్సంశయ స్సాస్య ఛేత్తా న హ్యుపపద్యతే॥39॥6॥ శ్రీమద్భగవద్గీత...ఆత్మ సంయమ యోగము... అర్జునుడు శ్రీకృష్ణుడి కాళ్ళ మీద పడిపోయినంత పని చేసాడు.బావా!ఓ దేవా!అన్యధా శరణం నాస్తి,త్వమేవ శరణం మమ!అని అన్నాడు.నిజమే కదా!ఆ యుద్ధభూమిలో రెండు సేనల మధ్య ఉన్నారు.ఒక సగం అంతా శతృవర్గము.ఇంకో సగం అంతా తన వాళ్ళే.కానీ ఎవరూ కృష్ణ భగవానుడికంటే ఎక్కువ కాదు.అయినవాడూ!ఆప్తమితృడూనూ!బావా!హే కృష్ణా!నువ్వు ఒక్కడివే నాకు ఇప్పుడు గతి.నాలో పుట్టుకొస్తున్న అనుమానాలూ,భయాలూ తీర్చగల సమర్థుడివి.నీవు కాకపోతే ఇంకెవ్వరూ నా సంశయనివృత్తి చేయలేరు.శరణు జొచ్చుతున్నాను.నీవే నాకు దిక్కు.